Granit Xhaka e ka lartësuar shpirtin e treguar nga bashkëlojtarët e tij në fitoren e Arsenalit 2:0 kundër Manchester Unitedit në Ditën e Vitit të Ri, duke e quajtur madhështore paraqitjen e londinezëve, në një kohë kur e ardhmja e tij është e pasigurt.
Mesfushori i Zvicrës me prejardhje nga Kosova ishte titullar dhe njëri prej lojtarëve me paraqitjen më të mirë në fushë për 90 minuta në fitoren e parë të Mikel Artetës në stolin e Arsenalit të mërkurën në Emirates.
Xhaka – i cili mungoi në humbjen e Arsenalit ndaj Chelseat në mesjavë shkaku i ftohjes – u rikthye titullar, midis thashethemeve se mund t’i bashkohet Hertha Berlinit në Bundesligë.
27-vjeçari, megjithatë, duket plotësisht i përqendruar në Emirates, siç tregon paraqitja e tij ndaj Unitedit dhe postimi në rrjetet sociale pas ndeshjes.
“Kështu niset viti i ri! Paraqitje madhështore, zemër e madhe, fitore e madhe. Të vazhdojmë kështu”, shkroi Xhaka në Instagram.
Muajt e fundit është pritur shumë që Xhaka ta braktisë Arsenalin në janar apo në fund të këtij sezoni, pasi i prishi marrëdhëniet me tifozët e klubit në fillim të sezonit.
Menaxheri i tij, Jose Noruguera, konfirmoi ditë më parë se tashmë është arritur një marrëveshje mes Xhakës dhe Hertha Berlinit dhe se i mbetet klubeve të pajtohen për transferimin e lojtarit.
Por, trajneri i ri i Arsenalit, Mikel Arteta, nuk është i sigurt për këtë. Ai mendon se 27-vjeçari nga Kosova do të mbetet në Emirates.
“Mendoj se ai do të qëndrojë”, tha Arteta për gazetarët, pas fitores së Arsenalit 2:0 kundër Manchester United, në një takim ku përfaqësuesi i Zvicrës luajti shumë mirë të mërkurën mbrëma.
“Ai është shumë i mirë. Mua më pëlqen ai vërtet shumë. Duke e parë mënyrën sesi duam të luajmë, do ta bëjmë atë të qëndrojë, sepse ai mund të jetë lojtar shumë i madh për këtë klub”, shtoi Arteta.
I pyetur nëse Xhaka i ka dhënë garanci për të ardhmen e tij, Arteta ngurroi por buzëqeshi duke u përgjigjur: “Po, më ka dhënë, po.” /Express/
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...